小空
2005-09-12 01:48:11
強戰世界 War of the Worlds
將強戰世界當作打怪獸片如Independence Day來看的話必定大失所望,因為無乜劇情講班人點諗計打怪獸,反而有大量劇情講班人點走難,同係呢D絕境中人們的反應,例如人性本來就係自私,湯告魯斯偷左唯一會行的車車,班人見到架仲會行的車車大搶特搶你開槍我又開槍打來打去,仲有一開波成班八卦群眾係都要走埋去睇,又走唔切等等。至於當怪獸片睇的朋友,大概會對佢那快過落雨收柴的結局破口大罵,什麼也沒說隻怪物自動攪惦迅速被買單,成班人根本好似什麼也沒有做過,套片也沒解釋過就完場。睇番newsgroup,大概係因為外星人對地球細菌沒抵抗力,又加上他們以人血作飼料,中曬菌所以天然攪惦。都唔奇,我地用咁多抗生素整出堆咁強的菌……
至於特技方面,成日都係彈開堆野,地面裂開、強風掃落葉等,係精細但不太突出。隻外星怪獸戰車的雷射光就好恐怖,一射就變人粉,名乎其實的粉人就係這些。不過唔係太明點解開頭就係咁射到堆人變粉,之後又要逐件捉來吸血,但那個血的世界真係幾恐怖,偏紅的月色,仲有滿佈血樹根的地面,又嘔心又恐怖。