現實，幾好

************這篇影評可能有雷************

有劇透

這一兩年來難得一部讓我從頭笑到尾的片子。
不要以藝術或者任何社會意義的角度去看，甚至不要用演技的角度去看，當然，不否認裡面有部份演員的確有些演技。
首先，導演陳慶嘉，當年執導《絕世好Bra》獲得好成績，算系翻炒。拍攝角度同水平方面，描寫兩人嘅情節手法有多少似佢之前嘅《我老婆唔夠稱》（阿彌陀佛，呢句話，有時候幾應景），不過儘量壓縮佐。功力方面算少少提高啦。
劇情方面，幾個平行嘅故事，拉系一齊來講，我覺得顯得生硬和突兀。故事講述就有多少白痴啦，好在對白夠搞嘢，好多句嘢都可以摞來做「真言」。我多少可以想像如果我系同dino兄一齊睇嘅時候，有多少句會變成我哋日後嘅情景對白。

演員啦，我最中意講嘅，哈哈哈哈哈。大牌客串（雖然其實佢地實質上唔算大牌），C君，六wing，仲有死人麥玲玲（開始我以為淨系要佢把聲，無想到最後佢真系出現佐，哈哈哈哈哈），梁詠琪啦（之前有合作開，有佢系度都好正常），黃祖藍……等等等等。
各人評分：
鄭中基，Lucas。自從《老港正傳》之後，就越來越中意呢條友，個樣麻麻，但系各種表情恰當，而且佢個樣，特別繫帶眼睛嘅時候，又好似我以前啊head，阿彌陀佛，呢個都系我唔add我former同事入來嘅原因，可以隨便講壞話。哈哈哈哈。辦公室少女殺手，都算OK啦，最好玩嘅系佢份「破處啦」嘅廣告，仲有，第一次藤人地上床，呵呵，一樣有潔癖。仲有好多啦，當然，開始我估佢隊啊miu，到最後一定反而比人地隊楞嘅，結果，估錯。呵呵

鄧麗欣，miu，歌就好中意聽啦，不過極少睇佢做嘅戲，除佐果部《破事兒》。故事中嘅角色唔去講太多啦，因為現實中，呢種人，太少太少了。佢嘅戲，中規中矩，起碼唔會令我覺得系花瓶。呢個角色，我想佐好耐，唔知道點去形容，少許白痴？？少許認真，或者，正如佢自己所講，「其實我想穩一個，乜都比我話曬事，但又最好乜都幫我做主；我想穩一個，距聽曬我話，但我又好想聽曬距話；我想做個成功既事業女性，但我唔想做野感辛苦啊……我想愛得轟烈，但我唔想比人HURT啊！」(太多了，背唔曬，copy翻來)，傻妹，系女仔都想架啦。或者，呢個角色，其實系大部份女仔嘅縮影，wanna find the mr right。雖然經過好多波折，不過都希望搵到。

文泳珊，Dount，角色設定我幾中意，不過刁蠻嘅性格系我好厭惡嘅。佢個故事都幾搞，愛上年齡超大嘅uncle，得了，我已經知道dino要講咩了。阿彌陀佛，但願我以後唔會同個仔掙食。最後系天橋分手嘅情景，多少有D悲傷，唔系兩個人向左走向右走，大家都向同一個方向，不過，中間隔住條鐵軌，平行線，交集已經系身後。
湯怡，Celine，空姐。系外形上，我覺得系部戲裡面我最中意嘅。最搞野嘅場景
系徐天祐（輔警哥哥）想像佢用bar做D空姐手勢嘅時候，笑到我趴地。其實，佢可以同輔警哥哥好sweet，感動源於一刻，不過現實就系現實。系生活中，咁現實嘅女仔好多，不過，我都系覺得現實D好。因為，如果最後佢地系埋一齊，可能系故事嘅背後，十年之後，會見到一個拖住一竇仔女抱怨個老公唔上進嘅師奶。anyway，開始我都以為，佢講完「你唔上進D，如果最後無人娶我點算」就算了（大概系呢個意思啦），後面果一段，的確出乎我嘅意料。宜家嘅戲劇終於跳出大團圓結局了，我反而覺得高興。
賈曉晨，CC，一個悲劇嘅人物。其實，佢又真系幾有風情嘅。王子太少，不過灰姑娘就周圍都系。呢句話，對於佢同埋Celine都好應景。性工作者可以話系閱人無數，所謂商女無咩妓女無咩，呵呵。我都發覺我幾中意討論呢一個人群，佢地生活系社會嘅黑暗面，一個大家都唔願意啟齒，不過又真實存在嘅環境。佢地一樣系人，一樣有各種嘅悲喜離合，如果脫離佐呢份職業，或者悲劇成份又無咁多了。anyway，第二次跳出我嘅思維慣性，到最後發現原來呢個系騙子。當對方講出自己出自名校，揸部靚車出來，清純陽光，唔系想同你上床，唔代表呢個一定繫好人。唔好以為成日同人講自己間廠有3W幾人，巡廠都要開飛機嘅先系吹水佬。（雖然真系幾吹水）有睇過《Hustle》嘅應該知道，靚仔都一樣可以系騙子，雖然hustle裡面吹噓嘅系佢地只騙衰人。

電影裡面仲有一個驚喜，如花？呵呵，而且唔只出現一次哦。有種久違嘅感覺，唔知道系咪華強哥嘅idea呢。
點評嚇C君啦，banker，哈哈哈哈哈，佢果句比較嚇親我，有時候，如果唔夠數，可能果日佢自己都要補十億八億落去。（-_-b，編劇哥哥，點補啊？無正常生理常識嘅？？就算佢儲蓄佐半個月，單次之後，細胞一日分裂嘅能力有限，就算開狠副turbo全力出，一日都去唔到八億啦，你玩我咩哥哥）
6wing，呃，你真系唔繫好識做戲，你都系做翻個rapper啦。（記住，呢個單詞，系要double P嘅，如果唔系就......）
祖藍，呃，平時覺得佢OK嘅，呢部戲，太誇了，唔中意。

成部戲總括，雖然超低能，不過，系工作壓力同茶餘飯後，我哋需要嘅，偏偏系呢種勁搞笑。
最後，再次重申，睇港片，睇粵語。多謝。