The Prestige

       一部以第二次工業革命嘅英國，維多利亞時代為背景嘅電影，講述兩位頂級魔術師互相嫉妒猜疑，爭鬥至死嘅故事，亦有人評論佢喺一部披住魔術外衣嘅驚悚片。
    呢部戲有好多超熟面口嘅演員，《澳洲》同《X-MAN》1到4集嘅狼人休·傑克曼，「蝙蝠俠」系列《俠影之謎》同《黑夜騎士》嘅蝙蝠俠克里斯蒂安·貝爾同蝙蝠俠管家麥可·凱恩，《魔戒Ⅱ：雙城奇謀》嘅希優頓王近臣安迪·瑟金斯，個個人都似曾相識，但新形象嘅表演同樣使你大開眼界。
     究竟應該選擇做一個點樣嘅自己？喺為名利權力做一個虛偽嘅自己，梟斗一生，定平凡安定咁過一世？喺選擇感情定事業，感性定理性？好難回答，我甚至唔知自己仲叫唔叫人格健全，一時半刻我仲冇辦法俾出一個準確嘅答案，比較糾結。其實影片除佐講男人同男人嘅爭鬥，亦講佐喺其中女人卑微嘅命運，社會入面女人到底應該扮演一個點樣嘅角色，妳哋又到底可唔可以把握倒自己嘅命運。為佐成功，好多時候我哋都義無反顧咁犧牲女人，甚至犧牲人性，我哋獨一無二，所以我哋要誓死捍衛自己，可能大部份人會失望，但好對唔住，呢個就喺現實……
    好出色嘅畫面，亦符合導演克里斯多福·諾蘭一貫嘅作風，音樂到位，改編自同名小說嘅劇本異常出色，多軌嘅雙線蒙太奇令影片疑雲重重，非常完美咁詮釋佐曲折離奇嘅劇本，更重要喺演員嘅表演閃耀全片，表情同眼神嘅演繹極其深刻、傳神，成為影片成功嘅關鍵，的確喺一部十分憂秀嘅作品。