【電影】13005[1.13]《浪客劍心》

       師從《棋魂》小畑健，又貴為《通靈王》武井宏之嘅老師，即使一直冇睇過《浪客劍心》，和月伸宏嘅大名仍然如雷貫耳。講武士俠客嘅漫畫其實很多，論感情，《浪》喺我心中或者遠遠不比上條明峰嘅《KYO鬼眼狂刀》，但背景賦予佐作品另一層意義，使呢個故事於我增添佐厚厚嘅一份歷史感。

    人類歷史上從未有過一個民族好似日本一樣拉開過如明治維新般激烈急進嘅改革，佢哋幾乎不加任何選擇咁完全照搬西方社會，甚至將漢語同英語完全唔作修改咁變為自己嘅語言。卻亦罕見一個民族能將外嚟文化同自身融合得如此完美，「日本文化像洋蔥頭，剝開一片，剝開一片，最後想要找日本文化的核，沒有，因為什麼，因為它每一片裡頭都含有外來文化影響和它日本文化非常重要成份的一種結合、融合。」而喺果個時代最最悲壯嘅無疑喺武士，如同騎士嘅城堡被大炮轟開，一張單薄嘅「廢刀令」，就足以摧毀武士構築千年嘅道德大廈。相比「天誅」劊子手，新撰組其實更令我心酸，劍心嘅原型河上彥齋只喺雜碎，貴為天然理心流劍術巨匠嘅齋藤一先喺被時代拋棄嘅豐碑。想想呢個號稱日本史上最後亦喺最強嘅劍客組織中嘅四號人物喺會津一役後懷住悲痛，孤獨追憶幕末同伴，苦苦掙扎半個世紀，冷眼看枯骨被黃沙覆蓋，其悲涼其實正正反映住武士階級破落嘅結局。

    電影其實一般，但感情再次超越佐現實，雖然我對「天誅」劊子手冇太大好感，卻對新撰組有住難以割捨嘅感情，外人會當呢部戲喺娛樂，或者覺得佢喺垃圾，但漫天櫻花飄落除佐美，可睇倒佐其中嘅淒涼同悲壯？

    抱歉將本文寫成佐一篇歷史感嘆稿。

    不推薦，保留意見，不收藏。