苦海，泛起愛恨

今晚睇完星爺既新戲《西遊記》，《長江七號》時隔5年，我所期待既周星馳終於翻來啦，新西遊令我念起18年前既星爺既舊戲《大話西遊》，95年，正系女友出生既個個年份。新舊西遊完全唔同既演員，但有著相似既橋段，千絲萬縷既聯繫，勾起左我好多好多既回憶， 亦都令我想起好多好多往事，感嘆好多既人生。
      唔知你有無睇過舊既《大話西遊》呢，裡面既主題曲系盧冠廷所唱既《一生所愛》（點入去聽聽），今晚我一直將衣部電影重播再重播，repeat再repeat，裡面既歌詞裡面既曲調，重複再重複聽，感覺細細個個陣再睇完全五一樣，味道越聽越濃，特別繫個句歌詞「苦海,泛起愛恨 在世間,難逃避命運 相親,竟不可接近 或我應該相信是緣份」道出左自己好多人既心聲，人出生便度入苦海，愛恨交集，難逃脫這種愛恨纏綿既狀態，世間之事儘是如此，好多人相愛但不能在一起，可恨既系相識相知既人將這一切歸咎為緣份。可笑可嘆可悲可憐可惜，究竟係為左咩，人都喜歡自欺欺人。可笑之處，本來心裡在乎但系不願承認不願道明，更可笑既系不願承認別人在乎你。
       繼續講下今晚既電影睇後感，特別喜歡《大話西遊》衣部電影，畢業第一份工作，有一位同住既同事特別喜歡衣部戲，個陣時同距不斷重複又重複睇左不下20次，但奇怪既系，這《大話西遊》上下集總系百看不厭，MAYBE因為紫霞仙子同孫悟空既愛情「如果要系我對你既愛上面加一個期限，我希望系一萬年」，總系對衣種纏綿難以取捨既愛情著迷，愛得深痛得切入生快意過一會既嚮往，又或者只系單純喜歡戲裡面既主題曲，一句「苦海，泛起愛恨，在世間，難逃避命運」，道出塵世間既苦處。總之，極之喜愛這部電影，從而對衣部13年既賀歲片特別有期待。新既「西遊」，朱茵不在了，羅家英不在了，吳孟達亦都不在了，三藏變成文章，孫悟空變成王勃，周星馳由孫大聖退居幕後變成白髮蒼蒼真正既「星爺」，雖然所有既野都變曬，但系味道換在，個種感覺就好似，小時候聞到睇見旁邊鄰居阿姨煮緊一台好送，二十年後再聞到相似既氣味，雖然系阿姨女女落廚，但總有阿姨下廚時既影子，好味道總會傳承落來，而感情與記憶亦都會隨著一D電影裡既細節慢慢喚起。記得第一次第二次睇《大話西遊》感覺並不深，以後越長大，感受卻越深，之後每次睇到都會眼泛淚光，開始理解到愛感受到愛，為失去愛而嘆息，為得到愛而喜極而泣，羨慕劇中的為愛不顧一切，而更深刻地感受到我活在現實。到在新「西遊」，愛依然存在，愛依然如此不顧一切，但系周星馳心態變了，我地既心態都變了，從以前既「一萬年」演變成現在「一萬年太久，只爭朝夕」，承諾只系幻想，爭取現在好好去愛才是真諦。星爺用18年既時間懂得了這種真諦，自己反思既時候，說出故事讓我們都得以反思。
       如果可以系我地既愛加上一個期限，你希望系幾耐呢？

從前 現在 過去了再不來
紅紅 落葉 長埋塵土內
開始終結總是 沒變改
天邊的你漂泊 在白雲外
苦海 翻起愛恨　
在世間 難逃避命運
相親 竟不可接近
或我應該 相信是緣份
情人 別後 永遠 再不來(消散的情緣)
無言 獨坐 放眼 塵世外(願來日再續)
鮮花雖會凋謝(只願) 但會再開(為你)
一生所愛隱約(守候) 在白雲外(期待)
苦海 翻起愛恨
在世間 難逃避命運
相親 竟不可接近
或我應該 相信是緣份
苦海 翻起愛恨
在世間 難逃避命運
相親 竟不可接近
或我應該 相信是緣份