【電影】13014[2.15]《無敵破壞王》

       喺FOX憑「冰河世紀」大行其道，夢工廠以《馴龍高手》異軍突起嘅時候，迪士尼趁住12年空擋上演佐一出精彩逆襲，冥冥中那年那個前無古人後難有來者嘅《Wall》喺眼前閃現。話說果日差啲就去戲院睇佐呢部戲，結果最後揀佐《寒顫》，當堂鬱悶佐成個星期，今晚睇完部戲之後更加後悔到想死。

    超完美嘅3D建模渲染技術一如既往成為電影畫面上無可匹敵嘅閃光點，已經發展得相當成熟嘅人物動作配合上唔同時代遊戲嘅唔同解析度，還有唔同時代嘅動作流暢度令電影確實有「任天堂明星大亂鬥」嘅感覺。從吃豆人都索尼克，到街霸，到馬里奧，跨越佐整整40年嘅時光，雖然並非所有我都經歷過，充其量我亦只體驗佐街機時代嘅尾巴，但作為一個資深機迷，呢種感覺不言而喻，尤其喺對《快手阿修》嘅Fans，電影估計會更多出一份感動。

    動畫同遊戲嘅聯姻由來已久，但一次咁樣突破界限嘅演出，尤其是突破佐公司界限嘅創作十分具有啟發性，要跳出遊戲傳統故事，重新寫出一個如此溫情，卻又絲毫唔造作嘅劇本，實在不得不讚嘆迪士尼寫手們嘅想像力。話說突然間覺得本片閃現出某年另一部後難有來者嘅神作《怪物公司》嘅影子呢~

    電影喺跳出傳統迪士尼公主城堡向嘅基礎上顛覆一個遊戲反派角色，令佢最後成為遊戲世界守護者呢點實在創意非凡，但劇情仍然有老套嘅地方，基本上所有嘅橋段唔使講都知道跟住會發生乜嘢，或者喺因為本片喺拍俾小盆友睇嘅原因吧。

    呢次無論豆瓣定Mtime都俾出將近9分嘅高分，我亦同樣俾本片滿分好評！

    無論一個人、同情侶，還喺一家大細一齊睇，本片都非常適合，推薦，不收藏。