【電影】13023[3.26]《西遊降魔篇》

       唔知究竟喺咪我真喺唔適合大陸市場，我覺得徹頭徹尾垃圾無比嘅一部粗糙得我簡直唔願稱呼佢做電影嘅電影居然喺大陸獲得良好口碑同匪夷所思嘅高票房。全片毫無邏輯可言，話喺喜劇卻毫無笑點，如果真要話電影嘅賣點喺星爺，我只能表示極端無比失望，失去粵語嘅周星馳電影已經同周星馳電影完全無關了。

    可以一啲都唔誇張咁同大家講，睇呢部戲短短兩粒鐘我足足訓著佐3次！！佢喺當時電腦入邊候選電影中最短嘅，卻睇得我度日如年，一路睇唯一嘅希望就喺電影可以快啲結束，我實在唔明白帶俾我如此拙劣觀影感受嘅一部戲究竟喺如何同12億票房扯上關係？就因為海報上一個「周星馳」，咁華誼兄弟亦未免太欺騙觀眾了吧。

    同《大話西遊》冇半條毛關係，通篇表演誇張木訥虛偽，唯獨舒淇我覺得喺在用心演戲，3D特攝垃圾無比，國語嘅對白亦令星爺一貫嘅搞笑色彩當然無存，悶如嚼蠟，單喺呢一點，我霎時間覺得星爺已經完全俾彭浩翔比佐落去了。要墮落到用驚悚同重口味嚟襯托果段根本唔知緣由嘅愛情，只能講星爺實在江郎才盡了。

    完全毋庸置疑嘅爛片，2013賀歲片爛片之帝！！同「生化5」有得一輝，秒刪！！