怯，你就會輸足一世

************這篇影評可能有雷************



要肯定的是這是一部笑片，笑點太多。例如訓練中張家輝「你親左我一下啊」彭於晏「感覺還可以」果一段，笑到人碌地。其次，張家輝同彭於晏的一身肌肉（傳說中的脂肪含量3%，健身人士的夢寐以求），都系強勁的賣點。有搞笑、有基情，啱曬男女收睇，票房唔好肯定系冇道理。

當然，仲應該有D與眾不同、帶俾人正能量的因素。

曾經風光如今卻頹廢的中年拳王、為了理想而拚搏的年輕人、背負著破碎家庭遺憾的苦命人，再加上擂台上的受傷或死亡，流汗和流血，為了家庭，為了事業，為了自己當年的理想，為了金錢更為了榮譽，重新走上擂台……當然更少不了深夜裡對著拳套吐出煙圈的慢鏡頭，少不了雨中跑步訓練以及激昂的背景音樂，更更少不了在擂台上對決最後那一下致勝拳的特寫……

甘樣既情節，我地系多少的電影裡或多或少的看過：遠如《Rocky》，近有《勇士》，甚至同為港產片的《阿虎》，甚至《葉問2》，凡是擂台式對決的電影都離不開這麼幾項。但我仍然覺得《激戰》甚為吸引——哪怕是經歷了《逆戰》《寒顫》等作品，已對《X戰》這種題目麻木的前提下。

 關於張家輝，本人曾經系《大追捕》的影評中這麼寫過：

　　「啱好睇完電影之後睇TVB新聞時有關於少年警校既報導，作為嘉賓採訪左張家輝，先發覺自己不知不覺睇住張家輝從一個愣頭青到而家影帝級既成長。系本片中張家輝既台詞比竇驍仲要少，但表情演繹確係張力十足，唔聲唔聲咁搶走左十足風頭，任達華不得不淪為陪襯。 」

張家輝飾演既程輝，少年得志卻誤入歧途成為賭徒和債仔；在認識生活艱難經歷喪親之痛的兩母女後，才認識到人生需要為所愛的人和愛自己的人而戰鬥；連同同時需父親振作的富二代，一同走上救贖之路。其實，呢個同張家輝的成長曆程是一致的，冇劉德華咁有型，更冇梁朝偉咁靚仔，但從一個KELEFE到影帝，腳踏實地，從《銀狐》中的小頭目，到《馬場風雲》裡面開始擔綱主角，過檔無線後上升一線《金裝四大才子》，再跟隨王晶的賭片，再到《黑社會》《證人》《線人》等登上神台，無不是一步一個腳印默默耕耘提高，實現自己的一個又一個夢想。

戲中歐錦棠飾演的師傅講既一句，也就是海報題眼： 怯，你就會輸足一世，真是本片帶給觀眾的正能量。的確，無論遇到怎麼的困難，你如果唔怯，而是去拚力一搏，即使失敗了又如何？至多咪浪費左一段時間；但你如果怯，你只會繼續輸下去，直至人生盡頭。有D野，唔係為左結果，而係為左俾自己一個交代，等自己以後可以講出「不悔」二字。程輝出獄，發覺「原來，呢個世界其實系唔等人架」。贏，定義有好多種，富二代冇贏到最後，只贏了2場就被擊倒；賤輝都冇贏到最後，3場+買外圍夠還賭債就收手了；但富二代贏回了父親的尊重與振作，程輝贏回了賭債以及自己的人生意義。就如程輝最後同果個細路女講果句：「我做到左了，你做唔做的到啊？」

程輝有一句：「我地呢個年紀，仲需要人地理解我地為咩去做咩」。其實，唔止系程輝果個年紀，咩歲數都一樣。我們做太多事，都太顧及太多人的感受。其實，考個好學校，選個好專業，想買乜乜乜，幾時要結婚；公司老細會點評價，馬上要做既事太多……一生要顧及的人同事，太多太多，太勞累太勞累。 一世人，做好自己的事情，做好手頭上的事情，在人生的舞台上戰勝自己，咪就系人生最偉大的光輝咩？

呢個就系《激戰》，帶俾我地最真實既意義。一份熱血、感動交織，用經典港式幽默演繹的平靜人生道理。