泰國片的火星邏輯帶領人類進入新世紀

本人無法不以廣東話敘述，不便之處，望恕罪。

（以下內容劇透但真心好笑，心情唔好歡迎一睇再睇）

原來電影真係可以大膽到呢個地步，大笨象跌落山甘都俾你諗到，小弟誠心佩服。反地心吸力批爆機車我忍你，360度墮橋大迴環仲上得返橋面我都忍你，由廿九幾層跳落泳池都唔死我亦忍你，但使唔使連哪吒風火輪都出埋啊？呢鋪真係吼天犬都可以變大笨象。電影既創意真係超乎人類想像。最值得留意既仲有走在地球最前線的服裝設計：啜核紅色牛皮膠紙十字型戰鬥服、貝殼零線條核突胸圍、無啦啦用五飛煙夾係耳仔MK look、弱智兒短袖白衫、鑲鑽純金牙籤、仲有仿ironman能量心臟但係裝係背脊既電擊器，每個造型都挑戰住我既審美極限！未完未完，連人物方面都極之出色，翻譯大叔反住白眼鬼甘樣無處不在，前面大佬（黑人，講英文）隻揪緊，佢就係背面泰譯英，哇大佬，使唔使甘盡責先？今時今日甘既服務態度會唔會太惹人妒忌？泰文都已經屎屎聲又奶奶聲，你仲搞甘多花腎，笑到我癲，我真心覺得泰國電影真係走得前過好萊塢囉.........

P.S 應該係大笨象俾炸彈炸飛跌落山再唔死得仲識救人！小飛象再世！阿彌陀佛！佛祖顯靈！