【電影】15002[1.18]《移動迷宮》

如同今日已經大紫大紅嘅《飢餓遊戲》，又一部歐美反烏托邦史詩小說被搬上螢幕，睇完會令我忍唔住喺電腦前捱夜百度嘅感覺真喺非常合我心水，奈何預算有效導致電影篇幅亦有限，但僅有嘅113分鐘演出亦足夠豐滿，感覺新鮮刺激。

我覺得歐美嘅讀者真喺好幸福，有一大班如此充滿超凡想像力嘅作家不斷創作咁多宏大又奇幻嘅故事，要知道羅馬城唔喺一日建成，咁龐大嘅世界觀亦唔喺嚟源於某一瞬間嘅奇思妙想，能創作出咁樣一個故事證明佢哋身邊有一片咁樣富有想像力嘅土壤。人類嘅文明喺西方作家筆下一次又一次被摧毀，又一次又一次喺廢墟上重新崛起，佢哋設想過無數種滅絕人類嘅方法，又一次又一次搵到佐解決危機嘅出口，由呢啲故事讀者睇倒佐人類嘅脆弱，卻又從中搵倒支撐我哋一路行落去嘅力量。

當物質文明已經高度發達，我哋唔再需要為溫飽同生存發愁，我哋先有時間靜下心嚟思考文明嘅意義。維繫社會，維繫人與人嘅其實並非財富、資源、政府、教育等等呢啲睇得倒，摸得著嘅實體，人性本惡，但物質文明嘅發達保證我哋可以由惡生善，唔再通過競爭掠奪，而喺愛與希望去連接彼此。所以，一切世界末日都只為佐證明一點——船到橋頭自然直，希望在明天。

電影評價有啲極端，期望過大者希冀本作奉上一部魔戒史詩視覺盛宴，會話電影乏然無味，另一邊廂原著黨一邊倒咁贊本片改編得如何恰到好處，而夾喺中間嘅就有我呢種俾好評之餘對原著同後續真相蠢蠢欲動嘅懸疑解密派。但時間所限，唯有將貼吧嘅原著續作大劇透留俾第二日。

精彩，推薦，熱切期待二三集故事改編髮展，不收藏。