萬物理論

無論從乜嘢角度去睇，我都相信Turing嘅故事要俾Hawking有趣得多，Turing有一個偉大嘅時代做墊背，有Jobs同曼大做嘅廣告，少不了還有卷福超人嘅魅力同人氣，但最後一幫學院派老頭子卻選擇佐果個輪椅上身體殘缺，沒有太多表情嘅雀斑男。睇完全片先一時間令我驀然醒覺，原嚟人物傳記還喺應該咁樣去書寫。

喺呢個浮躁嘅年代，我究竟有幾耐冇靜下心嚟思考電影嘅內涵？電影嘅意義唔喺要向我哋一再展現果啲形上學嘅客觀存在，佢所要做嘅喺從不平凡中傳遞出平凡嘅人生哲學，以此喚醒對生命嘅共鳴，天才嘅傳記要講嘅唔喺天才有幾特別，而喺果啲我哋每個人都共同擁有嘅嘢，譬如愛。

呢一次，科學巨人嘅生命令我睇倒嘅唔喺夜幕繁星背後無窮無盡嘅數學公式，《時間簡史》喺呢度亦僅僅喺Hawking同Jane「平凡」人生嘅小小點綴。一個物理學家同西班牙語博士喺國王學院前普通嘅邂逅到結合，再到最後和平分手，我睇唔倒任何驚天動地嘅浪漫史詩，卻使螢幕前每一個人都絕唔會有絲毫懷疑過佢哋愛情嘅真實，直到最後容華已逝，佢哋嘅心仍然無時無刻牽絆住對方。

真愛喺一種分享，佢唔應該喺自私藏匿嘅角落，無論如何愛，都應該由自己選擇人生，生或死，愛或恨，無論如何愛對方，都唔可以剝奪對方嘅權利，唔可以替代彼此嘅人生，愛人將同路相伴，一齊欣賞好風好景，即使人生嘅艱難殘酷讓愛人無法偕同走到最後，仍會記住初次相遇果一回眸，果一瞬間微笑嘅溫暖，果一刻心動嘅美好，還有漫天煙火下擁吻嘅衝動。

整部電影都冇太大嘅情緒波動，喺第二日提筆前重溫電影最後嘅片段，將幾首片尾曲重複再重複，卻想到佐許多。如果愛因斯坦喺對嘅，將時光一直向前倒流，我哋就可以睇倒時空嘅起點，籍此解開萬物最根本嘅方程式，而故事嘅singularity其實亦同樣藏身於此，人生若只如初見，多希望此瞬可被永遠凝固。