【電影】15045[9.29]《新神奇四俠》

第一次係豆瓣睇倒本片3.9嘅驚人評分時我好記得自己係俾嚇到了，我以為自己搜錯咗片，但當我確定本片係漫威官方授權，FOX出品，而唔係12年版《赤色黎明》式嘅山寨電影之後，我開始好奇難道米國都有水軍？開片之後10分鐘，我長長舒咗一口氣，謎題解開了。

我未睇過大腕雲集嘅舊版《神奇四俠》，我係冇對比嘅情況下將本片當做一個新嘅故事嚟看待，得出本片嘅兩個特點：面癱同無厘頭。

首先面癱充斥全片，從最終BOSS到CIA，從博士爸爸到神奇四俠，全部都係重度面癱，唯一表情令人眼前一亮嘅反而係果個一臉壞笑嘅研究室老闆，但話講返轉頭，一直都一臉壞笑其實亦可以理解為另一種面癱。其中，男豬同佢嘅小夥伴從小就係面癱一直癱到尾：最令我掉下巴嘅係當佢哋第一次車房實驗搞到大停電之後，小夥伴同男豬講「U are insane.」，男豬回佢「Thx.」兩人全程冇任何表情同眼神交流，就一直look木咁呆望住面前一堆石仔，真係完全feel唔到佢insane係邊，亦feel唔到佢真係thx緊咯，冇配音仲以為電腦當機。

無厘頭同樣發源於片頭，一個小學雞竟然造出一台穿梭於平衡世界嘅時光機！佢叫人類幾千年科技發明顏面何存啊？跟住那個神秘嘅Victor究竟係何方神聖，佢又因乜解究要毀滅地球，導演從未交代？電影講佢從異世界歸來之後就無啦啦開始殺人了，然後開打幾分鐘就俾啱啱還烏合之眾嘅四俠滅了，真係史上最快嘅大逆轉啊！還有邊個又可以同我解釋下電影最後半隻字都冇提過神奇四俠點解不明不白去咗個唔知乜叉軍事基地係要搞乜？

我覺得呢，導演勇於啟用青年演員係好事，但配上面癱同無厘頭呢兩大屬性之後嘅電影不可避免會淪為爛片。雖然我不至於做到舊版Fans咁狠心，但亦不得不承認3.9呢個評分對本片係實至名歸嘅。

巨爛片，完全刷新咗我對漫威同FOX嘅印象，嚴肅反對各位觀瞻，秒刪。