「交足戲」的情懷

************這篇影評可能有雷************

首先聲明，本片是在廣東看的，所以是粵語版，不知道國語是什麼感覺，反正我覺得不能接受。（以下使用廣東話評述，不懂請離開）

1. 呢齣戲加入咗更加多嘅情感元素，不單單有發哥嘉玲，仲有小馬同春哥，傻強同奀妹⋯
2. 石一堅嘅瘋癲狀態完全就係複製咗賭神入面失憶之後嘅性格，可謂經典！
3. 全片加入咗好多特效，從一開始泳池爆炸到最後大戰機器人⋯特效效果還算OK！不過可能太唔符合賀歲片同港片特色，覺得有D奇怪。
4. 《監獄風雲》《女子監獄》片段重現，歌曲重現，歡樂到爆炸。歡樂之餘，每次見到我識嘅演員，我都會好興奮，比如金剛、小肥同陳奐仁！你會覺得好似係自己熟人一樣，好親切。然後出現咗第一場賭戲，賭牌方式我哋平時去酒吧ktv聚會都會玩，賭博氣氛好少，遊戲氣氛比較多。主要係因為賭博喺大陸本來就明令禁止嘅，王晶將所有賭博片段遊戲化繞過審查已經好犀利！
5.打麻雀唱《打雀英雄傳》又一經典，而且完全講成舖麻雀套入首歌度～好玩～而且我屋企呢邊真係好興打麻雀，前兩日未睇呢部電影就已經唱緊呢首歌，突然聽到佢哋唱，「哇，咁啱我心水！」
6. 傻強嘅一口潮州式粵語一如既往咁好笑，搞到我唔自然都會學下～而後面嘅「偉強」應該就係導演「劉偉強」啦????
7.一見到家英哥出場，一般人就係諗到《國產007》同埋《大話西遊》。咩叫無厘頭，「攞你命3000」呢個名堂就已經夠無厘頭啦！所以你唔知咩叫亂來，係唔會知咩叫無厘頭！當佢攞出支「雪糕筒」（呢個名夠爆囉哈哈）我就諗起周星馳嘅「你以為佢係一隻鞋？其實佢係一部電話」～而隻鞋冇能源唔可以飛呢個gag，就係致敬「太陽能手電筒」（冇光唔會著哈哈）
8.真係想吐槽「我想靜靜」呢個gag！啊啊啊啊啊啊！搞十9幾次有咩意思！
9.《射鵰英雄傳》見到劉德華就想笑！因為佢真係楊過！
10.王晶式嘅無厘頭，淋漓盡致！有人話冇劇本就拍，冇錯，無厘頭就係唔需要劇本，諗到咩就拍咩，唔驚離題咁先叫驚喜！

（寫住咁多先，之後補充～）   舉報