【電影】16016[3.9]《小飛俠：幻夢啟航》

睇完暗黑童話，係時候睇返啲主旋律嘅正向童話啦。但結果亦如意料之中，平鋪嘅敘事，模板化嘅人物，毫無驚艷之處，呢個亦好好咁解釋咗宏大嘅投資點解係上映第二周就被刷下票房榜嘅原因，年末金酸莓獎2個最差女配角嘅提名亦實至名歸，為電影獻上最好嘅「補槍」。

故事好自然就係講大家都知道嘅彼得潘嘅故事，從點樣被遺棄，點樣係孤兒院被蝦，點樣嚟到夢幻島，又點樣慢慢變成超人，所有嘅創新都令我感覺唔到任何創新。我唔明白戰鬥力只有五嘅彼得潘，點解就因為識飛，就可以霎時間一騎當千橫掃黑鬍子嘅海盜艦隊，識飛有乜了不起？係鳥都會飛啊。又因為係兒童向嘅電影，本片冇出現過任何有血腥死人嘅鏡頭，就連部落族人被槍擊中亦會非常馬戲團咁幻化成一團彩色煙霧，總之就係睇得我很幼稚嘅感覺。

大家都話本片故事很無聊，但3D畫面很精彩，但我一啲都唔覺得咯。呢種幾乎每部科幻片都有嘅渲染水平，除咗色彩稍微colourful啲之外，應該講係行業門檻吧，尤其是中途係叢林殺出果兩隻夢幻鳥，完全係懸浮係畫面上，睇第一眼就覺得咁鬼假嘅，毫無質感同嵌入感，咁渣嘅特效點好意思表揚啊？

總之本片比較無聊，看得我昏昏入睡，連女朋友都睇到一半就走了，呢種小盆友電影連女性觀眾都俘獲唔倒，仲點講去搏擊奧斯卡？

不好看，不推薦，儘快刪除。