【電影】16019[3.25]《飢餓遊戲3：嘲笑鳥（下）》

歷時4年，史上最hit嘅烏托邦暢銷小說電影終於落下帷幕，雖然經過無比拖沓枯燥嘅上集，對最終話本冇太大期待，但結局卻不負眾望，令人意外咁彷彿一下子講明咗好多嘢。毫無疑問，本片為整個Hunger Games系列畫上咗完整嘅句號，係當代爆米花電影中成功塑造咗一個年輕嘅女英雄形象，亦得以以此告慰霍夫曼嘅在天之靈。

電影從一開始就駛入最迷人嘅政治權力漩渦中，從上集一路走嚟，我哋親眼目睹President Coin如何一步步淪為新獨裁者，就如同東方封建社會嘅輪迴一樣，王朝政治體制下，舊統治者一再被推翻，但只要社會基礎唔改變，一日無法撼動上層建築嘅穩固根基，一個個被扶植上台嘅新統治者最後還係會走回前任嘅老路。或者講，呢個係權力所特有嘅魔力，要改變輪迴，必需要等待那第一個能真實抵抗誘惑，無比正直嘅人，但正直又從嚟都係統治者唔應該擁有嘅品質，所以會演成一出耐人尋味嘅「飢餓權力的遊戲」。

點解要舉辦hunger game？官方堂皇嘅理由係要震懾曾經反抗嘅13區，要佢哋以呢場一年一度嘅盛會為警示，永遠謹記Capitol嘅寬厚。實際上，hunger game係分裂人民，分裂13區嘅武器，Capitol要將互相仇恨嘅種子種入13區人心中，將13區統一指向Capitol嘅矛頭調轉向彼此。只關心自己嘅統治，呢個係獨裁者最明顯嘅特點，所以當President Coin提議要繼續舉辦hunger game嘅時候，當佢為「臨時」總統設置咗一個無限嘅任期嘅時候，大家都明白Coin已經徹底蛻變成咗新嘅法西斯。相比而言，President Snow反而顯得有人情味多了，仲令人隱隱對呢個被囚禁係溫室咳血嘅白髮老頭嘅落魄動咗惻隱之心。

經歷咗刺激嘅3集hunger games，我哋係咪有啲忘記大表姐所以sacrifice嘅原因？對，莫不是為咗佢可愛嘅妹妹Prim。咁樣一嚟就唔難理解當Prim被炸成灰之後大表姐嘅崩潰狀態了。

國恨同家仇都集齊了，萬事俱備只欠東風，東風一至，箭順其自然貫穿President Coin嘅胸膛，係佢積累無數心血締造嘅慶典上，所有施惠國民嘅親眼見證下，Coin被人民嘅代表處以極刑，重重咁跌落神壇。呢個充滿寓言味道嘅結局，即使早被猜到，但回想起身仍然可以思緒萬千，革命需要獨裁者般嘅鐵腕，但治國還係要回歸民主。

最後，大表姐同Peeta被「放逐」回已頹敗嘅12區，Coin嘅繼任者「眾望所歸」登上施惠國總統寶座，權力終歸唔係平民參與嘅遊戲，真正嘅民主只係一場美好嘅夢。

Hunger Games終於落幕，系列質量參差，但不完美卻亦盪氣迴腸，尤其是大結局，算得上爆米花中嘅上品。

精彩！推薦，不收藏。