ceci
2016-04-02 05:42:44
睇《樹大招風》,參考下咩叫 「大賊」
剛剛睇完《樹大招風》,好奇香港除咗呢三個一時無兩嘅賊王之外,有無出現過一啲同呢三位旗鼓相當嘅「本地人才」(頭盔:嗱嗱嗱,咪咩都話歧視先,真心想知有無」陀地」能夠比拚嚇啫),搵嚇搵嚇,睇到屈穎妍女士嘅一篇專欄*。
立場嘅嘢大家都明就唔討論㗎嘞,我嘅疑問係,人係咪會因為警力少咗而覺得自己可以去做賊呢?
作為一個無犯罪傾向嘅普通市民,好難代入一個賊嘅思維去想像點解要去做世界。我只可以用一般邏輯思維去諗,如果一個人係因為條街少咗警察先投身」賊界」,佢大概都唔會有食大茶飯嘅志氣。而事實上,喺三大賊王搵食嘅年頭,好似無咩警力問題。
又再比較返近年啲比較大嘅案件涉及嘅金額同規模,例如舊年尖沙嘴北京道鐘錶珠寶公司持械行劫案 (550萬)同羅君兒綁架案(2800萬),同當年三位嘅 「業績」,都真係有啲距離。如果做賊真係咁簡單,一街都係金舖,有大茶飯真係唔食?
舉報