【電影】16030[6.6]《科洛弗道10號》

08年科幻電影《科洛弗檔案》為手持拍攝電影樹立咗全新嘅標竿，翹首多年，一部同樣帶住「科洛弗」字眼嘅電影橫空出世，即使冇大張旗鼓，仍然能引嚟注視，當然同前者脫不了干係。我覺得劇組大可以俾啲信心自己，上映首個週末就將「超蝙」擠下北美票房榜首，靠嘅絕對唔係傍大款嘅廣告效應，但要話係咪代表劇組就成熟了？似乎還有很遙遠嘅路要走。

本片其實就講咗一個簡單嘅故事，感情破裂嘅女豬孤身一人發生車禍，醒嚟發現自己只穿著內衣傷痕纍纍被拷係一個地下室，地下室嘅主人係一個健碩怪蜀黍，還有一個同樣受傷嘅小伙子，大家都告訴女豬外面嘅世界被不明力量入侵，呢道係唯一安全嘅地方，女豬啱開始充滿懷疑，但慢慢客觀事實又似乎不斷印證怪蜀黍嘅話，正當女豬開始逐漸卸下防禦，融入呢個「家庭」嘅時候，情況意外逆轉，最後女豬神勇咁孤身逃出咗地下室，重獲自由云云。

電影最精彩嘅地方在於心理博弈，作為女豬嘅第一視覺，觀眾不斷係怪蜀黍係壞人、好人、壞人之間穿插，正當我哋都同女豬一樣漸漸認可怪蜀黍口中天荒夜談嘅故事嘅時候，更多意想唔到嘅證據不斷打亂觀眾嘅思考，一直到佢最後衝出地下室，重新企係藍天下果一刻先終於搞清楚狀況。唔知呢種算唔算係一個斯德哥爾摩症候群嘅源頭，我其實更懷念女豬同兩個男人係地下室其樂融融玩拼圖嘅畫面，雖然我知道要以女豬失去自由為代價，佢哋會永遠對外界一無所知，但至少所有角色都係完整、安全嘅，會慶幸自己活咗落嚟，而好奇就成為咗破壞平靜嘅果根稻草。全片以此為基礎，氣氛營造得不錯，整體架構比較工整明晰。

本片最大嘅敗筆出係片尾，為咗呼應「科洛弗」咁重要嘅主題，故事硬生生同外星人拉上咗關係，著住小鴨戰衣嘅女豬徒手擊墜外星飛船更為電影再生出一重突兀，最後攝影師用一個大寫嘅信箱門牌無比牽強咁點題，令我瞬間覺得彷彿換咗個導演。

總結嚟講，劇組嘅實力其實係不錯嘅，但結尾實在亂嚟得有點過了，各種畫蛇添足將前文辛辛苦苦建立起嘅一個個精彩嘅懸念逐一打碎，用一個成語最恰如其分咁評價——狗尾續貂。

尚可，保留意見，不收藏。