經典台詞

************這篇影評可能有雷************

甜筒輝（見到水哥收到嘅卡成籮咁多）：嘩！阿水系乜水呀？咁厲害嘅。
*田啟文：阿水個朵你都未聽過，你新嚟呀。噉就難怪。（轉身）阿水系出咗名溝女無數。系我哋所有男人嘅眼中釘。
（田啟文眼前浮現玉樹臨風嘅阿水）
基哥（加入吹水隊伍）：佢嗰雙令人心醉嘅眼睛，無論幾冷傲嘅女性，都會畀佢溫柔嘅眼神所融化。
李老闆：佢系眾所公認嘅街坊情聖，行運茶餐廳嘅靈魂，系人都知蛋撻王子。

（阿水咬住口煙仔入嚟）
阿水：阿媚，你做咩啫你而家？
阿媚（咬住口煙仔）：你扯啦。
阿水：我做錯咗咩嘢先？
阿媚：你冇錯，你對我好好添。不過，我而家唔鍾意呀。大家都唔啱feel嘅。
阿水：咩唔啱feel啫？我可以改嚟就你架嘛。
阿媚：就你老母呀！一個AM，一個FM，大家都唔啱channel嘅。
阿水：我可以轉channel架啫。
阿媚（拍台）：轉你老母呀？我哋緣已盡喇！（走出茶餐廳）
阿水：媚！(大話 周星馳站zhouxingchi.cn）

甜筒輝（不解）：蛋撻王子你溝啲……溝啲女咁「yat」嘅？
（一架車喺出便停低，好嗍嘅一條女喺車鑽出嚟）
嗍女（踎低身同阿水講嘢）：水哥呀，我買咗架新車送畀你呀。
阿水：你買架車畀我做咩啫？
嗍女：你覺得唔夠呀，噉我畀埋我住嗰層樓你吖，你開心就得架嘞。
阿水（起身）：原來你以為我攞你啲車，攞你啲樓會開心嘅咩？
嗍女：有咩唔妥呀？我愛你先噉做咋嘛。
阿水：原來愛可以用物質同埋錢嚟到衡量架咩？
嗍女：唔系吖，水哥，我唔系噉嘅意思呀，你誤會咗喇。
阿水：我對於你呢種人好反感。
嗍女：唔系吖，水哥，對唔住呀！對唔住，系我唔啱。
阿水：你扯！
*嗍女：唔好呀，水哥！水哥，你唔好噉樣對我。我唔可以冇咗你架，水哥。……
阿水：你唔扯嘞嘛？
嗍女：我唔扯！我唔扯！
阿水：我扯！（跑出茶餐廳）
*嗍女：唔好呀，水哥！……

甜筒輝（睇到目瞪口呆）：點解會噉嘅？
*吳孟達（解畫）：佢純粹系享受溝女嘅過程，捕捉嗰種幻得幻失嘅感覺。溝唔溝到女對佢已經唔重要。
*阿基：溝女溝成噉，真系高。
甜筒輝：水哥，好嘢呀。

（茶餐廳外）
（阿水畀啲演員人工）
阿水：有冇眼淚呀，頭先？
嗍女（收錢）：有呀，有呀。(大話 周星馳站zhouxingchi.cn）
阿水：做咩呀？
道具甲：放雀！
阿水（畀錢）：你呢？
道具乙：風扇！吹風！
阿水：我邊有卜風扇啫？
*道具乙：噉你要求啲報紙喺你左右隔離飛架嘛，冇風扇點飛呀？
阿水（畀錢）：唔該曬，散水！(大話 周星馳 站zhouxingchi.cn）

阿水：阿福，做乜坐曬喺度重唔做嘢？
*甜筒輝：蛋撻王子吖，蛋撻王子，佢哋講緊初戀嗱。你呢段初戀點架？
阿水：我啲噉嘅浪子，點會有初戀架呢？
甜筒輝：系喎。好嘢。
阿福：水哥，如果我想得到一個異性嘅芳心，應該點架？
阿水：有噉嘅事咩？好！（說教）我話畀你聽呀，溝女嚟計兩個字架啫——靚仔！
（起風）
（一隻雀仔停喺阿水頭上便）
甜筒輝：靚仔？！噉我咪冇問題？
阿水：你完全冇問題呀，你爹啲媽咪有問題咋嘛，生成你噉。
阿福（埋去阿水身邊）：阿水吖，噉我點算嗱？
（阿水扮嘢）
（阿福明白阿水嘅意思，畀錢阿水）
阿水：唔靚仔唔緊要嘅，有錢咪得囉。
阿福：但系我都冇喎，噉點呀？
阿福：啱先我有架，水哥。不過我畀曬你啫。
*阿水：哎，你只玉扼幾靚喎。新買架？
（阿福除低只玉扼畀阿水）
阿水：嗱，樣又冇，錢又冇呢，就唯有投其所好嘞。溝件咩女呀？
阿福（畀張卡片阿水睇，上面寫住「皇極驚天拳」）：呢件。
阿水：咦，好簡單啫。

（阿福畀錢阿水）
阿水：咦，你個樣今日好得喎。好正呀真系！準備好未呀？
（阿福點頭）
阿福：準備好！
阿水：恨恨地去溝女啦！

（眾人向阿水求救）
阿水：對方咩人？
李老闆：盛世地產揸弗人，我哋茶餐廳嘅業主，綽號姣婆四。
阿水：真名？
李老闆：姣婆四。
阿水：咩歲數？
李老闆：三十六。
阿水（分析）：卅六即系屬虎。嘩，狼虎年華，性慾強。點嘅樣？
李老闆：年初四噉嘅樣。
阿水：咩話？年初四噉嘅樣？
甜筒輝：水哥面都青埋嘅？
李老闆：年初四，假又放完，錢又使曬，工又要返，點會好樣呢？
阿水：算盤有冇？
阿基：有。

* 阿水：如果我冇計錯，佢應該系水瓶座，水瓶座嘅特性：外冷內熱。（拿起一樽水瓶）就好似呢個水瓶噉嘅樣，樽頸位好似好窄，但系如果你有本事窒到去，里便其實系原始大森林。打關斗都重得。我講畀你聽呀，對付呢種女，一嚟就要用一對居高臨下嘅眼神，一條強而有力嘅臂彎，將佢由慾海里便拯救出嚟。

（姣婆四跣腳）
阿水：一條強而有力嘅臂彎，居高臨下嘅眼神！（同姣婆四講）你冇嘢吖嘛？
姣婆四：仆你個街呀！臭乞兒呀！咁樣衰呀！扮靚仔！死開！

Candy：先生，你咁面善嘅，我哋系咪識架？
阿水：認錯人喎。
Candy：冇理由，你把聲真繫好熟，可唔可以再講啲嘢聽嚇？
阿水：I'm sorry, I'm see doctor, very hurry.
Candy：何金水！
阿水：我唔系何金水喎。
一護士：咦，何金水，嚟睇醫生呀？今日唔使返茶餐廳咩你？噉我走先嗱，拜拜！
Candy：何金水。
*阿水：一睇就知我喺中環返工啦，茶餐廳？呢啲噉嘅人渣喺度白撞。
路人甲：阿生，你跌咗身份證喎。
阿水：啊？
路人甲：何金水吖嘛。
阿水：唔系我跌架喎。
路人甲：明明系你個樣嚟喎。
阿水：人有相似得唔得呀？
路人甲：唔系喎，我睇住你跌架喎。
阿水：睇錯得唔得呀？
路人甲：我發誓，如果我睇錯嘅，腸穿肚爛，生仔冇屎窟，即刻仆街死。
阿水（接過身份證）：嘩，你講到噉樣可能真系我跌架喎。
路人甲：系你啦，唔好扮嘢啦。
Candy：都話你系何金水架啦。認唔認得我呀？我系葉玉芬嗱，Candy哩。冇見咁耐，重系咁鍾意玩架，你真系衰呀。
阿水：下次見嗱。
Candy：咪走呀！你記唔記得中學嗰鑊嘢呢？你整爛我條裙，我都未同你算帳。
阿水：嗰鑊嘢呀。其實嗰鑊嘢我自己都好Sorry。
Candy：Sorry都冇用呀，冇咁易喎。
阿水：你靚咗喎。
Candy：唔好講廢話啦，賠錢啦。做咩呀？你整爛我條裙唔使賠錢嗱？賠唔賠呀？報警架！
阿水：唔使報警，賠畀你呀，大家一場同學。
Candy：咪系囉。
阿水（畀錢）：賠畀你啦。報警？找返嚟呀。
Candy（用錢撻阿水）：唔好玩嘢喎，僆仔！（凶阿水）做咩呀？當我流架而家？（一護士喺側邊睇）做咩呀？行開！信唔信我搵人喐你吖嗱？
阿水：重差啲。
Candy：差咩呀？
阿水：差把刀。（笑）
Candy（笑）：好衰架，噉都凶你唔到。
阿水：凶到半架嘞。其實我正話有啲怯架嘞真系。
Candy：最衰系你啦，整爛我條裙。不過算啦，咸豐年啲嘢。我唔會記住嘅。
阿水：嘩，噉我安樂曬咯。
Candy：放心啦，我做嘢喇。Bye!
阿水：呢張我卡片，你得閒call我呀。
Candy：見返你真繫好開心呀，諗返起學校嗰啲嘢。Bye!

（阿水拍阿福膊頭）
阿福：水哥，我點算呀？
阿水：你而家噉嘅情況唯有靠自己嘞！
阿福：點靠呀？（畀錢阿水）
阿水（推開啲錢）：你傻架咩？我同你兄弟嚟架嘛。有乜點靠啫？你咪再去搵佢同佢講清楚囉。
阿福：點講呀？（畀錢阿水）
阿水（受）：三個字，都系「靠自己」。呢啲冇人幫到你架，你信我啦。你得嘅，嚟呀，唔好噉嘅衰樣。返去攞罐啤酒嚟先。
阿福：我唔繫好想用酒精嚟麻醉自己喎。
阿水：我知，攞畀我架叫你。
阿福：哦。

阿水（追Candy）：Candy呀，域名機會一齊食餐飯呢？
Candy：點解？
阿水：因為我有啲醫務常識想請教嚇你嘅。
Candy：你慳啲啦，你系咪見到我靚想追我呀？聽晚八點，等我收工，食飯。

芳芳：黑貓咩色？
李老闆：黑色。
芳芳：白貓？
李老闆：白色。
芳芳：熊貓？
李老闆：呢個我聽過喇，熊貓系黑白兩種色架嘛，飲。
芳芳：重未問完嗱！釘喺牆上嘅死貓系乜色呀？
李老闆：冇曬氣息。
芳芳：錯，系裝飾呀。
李老闆：哎吖，哎吖，裝飾呀，哎吖，畀你陰到！（飲咗啖啤酒）好，我問返你一條，全世界咁多火箭射上太空喇，點解硬系射唔到啲落嚟呢？
芳芳：因為啲星星好高。
李老闆：錯，因為嗰啲星星識得，閃嚇閃嚇，噉就避開咗咯。

（飯店）
（伺應生倒酒）
阿水：多啲添呀。好！其實呢度我都系第一次嚟。（呷咗一啖酒）
Candy：呣？
阿水：Candy呀，我好愛你架？
Candy：呣？
阿水：你第一日返學嘅時候我經已愛你嘞。我以為呢一份愛，會隨住時間而消逝，但系直至到我喺醫院撞返你，我對你呢一份愛，又次射返出嚟。
Candy：你呢一份愛會唔會用湧出嚟比較恰當啲呀？
阿水：唔會，一定要用個射字先可以形容到我而家嘅心情。Candy，有封我想交畀你好耐嘞，但一路都冇機會，家嚇啱嘞。（將封信交畀Candy）
（Candy睇都唔睇就將封信燒咗去）
阿水：Candy!
Candy：我相信你應該明白，一個女仔肯同你食飯，唔代表佢一定會同你上床。
阿水：梗系啦，上床呢樣嘢結咗婚先准做架嘛。同意婚前性行為嗰啲人，我唔同佢做朋友架。
Candy：問題就系，我唔信呢一套囉。如果我知我系鍾意你嘅。又使乜嘥咁多時間去食啲讕浪漫嘅飯，講啲讕浪漫嘅嘢啫？直接上床咪得囉。你同唔同意呀？
阿水：我百分之一百同意。因為喺而家呢個時代呢，直接上床繫好好架。
Candy：我有個提議呀。你有冇試過著女裝底橫呀？
阿水：女裝底橫？何止著呀，我以前細個偷我阿媽條底橫嚟當帽戴嘅。
Candy：不如今晚你著我條底橫呀。我諗一定會好sexy架。
阿水：你想我著你條底橫？
Candy：得唔得呀？
阿水：我著咗你條底橫，你著咩呀？（Candy似有所思）我著，一言為定。嗱，你唔好反口呀。
Candy：我而家就想好要呀！
阿水：而家？喂，呢度餐廳嚟架喎。
Candy：廁所見呀。（走入廁所）
*阿水（企起身）：喂喂喂，我去去廁所，你褪褪先。
伺應生：噉不如我遲五分鐘先同你上菜呀，好嗎？
阿水：五分鐘？起碼都個零鐘啦，你當我流架你家嚇？

（兩個人走去搵Fanny）
阿福：哎吖，哎吖，Fanny喺度架嘞，你過去幫我解釋啦。
阿水：你定啲嚟，我喺度傍住你。但系你一定要自己過去同佢講。如果唔系唔得真誠呀。
阿福：真誠。
阿水：一定要真誠。
阿福：真誠。

（Fanny）
吳留手：Fanny，你噉成日望住我，我覺得好唔好意思嘅。你究竟想點啫嚇？
Fanny（推開吳留手）：唔該借一借，我唔系望你。（睇紙袋反面阿水嘅衰樣）呢對眼神，真情得嚟，又系社會敗類。純情得嚟又系情場騙子，真系複雜。
阿水：個袋，我貪得意借佢戴嚇架咋。

阿福（介紹）：Fanny，呢個系我好朋友蛋撻王子。（同阿水講）阿水哥，呢個就系我個初戀情人，Fanny呀。
Fanny：你就系蛋撻王子呀？（伸手）
阿水：你就系Fanny嚟嚇嘩？（兩個扼手）
Fanny：幸會！
阿水：幸會！
阿福；阿水哥，今日嚟呢就系幫我向你澄清架水哥。
系吖，阿福，其實佢真繫好喜歡你架。佢系一個好人嚟架。
Fanny：你唔好再講嘞，我唔想聽呀，我好亂呀！
阿水（攬住Fanny）：Fanny，你唔好噉啦，有我喺度你唔使驚，定啲嚟呀。唔使驚！唔使驚！Fanny，你聽我講。你今晚得唔得閒？
Fanny：得閒，你想點呀？
阿水：我！（兩人慾吻）

阿福：阿水哥，阿水哥！
阿水：蛋撻王子其實系浪得虛名你知架啦。
阿福：系，我知。
阿水：我同你一樣，其實都系一條溝唔到女嘅可憐蟲。嗰種感覺你明架喇。
阿福：我明白。
阿水：但系愛情其實系……繫好奇妙架，你同唔同意呀？
阿福：我同意。
阿水：我正話同你條女阿Fanny一見鍾情架，你睇唔睇得出呀？
阿福：我睇得出。
阿水：噉你話系咪要開香檳慶祝呢？啊？系咪吖？
（阿福點頭）
（擁抱）
阿水：全靠你咋，好兄弟吖！
阿福：好兄弟！好兄弟！

（阿水加入阿福行列）
阿福：你個社會敗類！頭先一個唔覺意，差啲同你開埋香檳。嗰個系我初戀情人嚟架，你撬我牆腳。你個人渣！
阿水：系！我系想撬你牆腳，但系唔成功。Fanny始終都系鍾意你。而我就始終都系一個溝唔到女嘅可……憐……蟲！（喊）
阿福：唔好噉啦，阿水！
阿水：我冇事！嚟呀。

阿水：頭先只系一個美麗嘅誤會。你哋兩個先系一對。而我亦都將會喺你哋嘅生命里便，徹底噉消失。
阿福：阿水，唔好噉啦。
Fanny：我哋一樣可以做普通朋友架啫。
阿水：返唔到轉頭。但喺我走之前，我要話畀你聽，頭先我同你嗰兩分鐘，我呢一世都唔會忘記。我已經深深噉愛上咗你。

Fanny：愛過方知情重，醉過方知酒濃。
阿水：好詩。愛情嘅感覺真系奇妙呀。

歌詞：
可知我情投入那種程度
在這崎嶇的旅途
而你不可感覺到
心傷痛 從來未徹底流露
但你口中心裡各一套
我知你仍然在找更好
而在那半夜裡 恬靜里
即使看見預告
前面有著那各自個的路
為何重頭又是這樣錯 又這樣錯
深宵我哭泣靜待清早
當天我與你真的相愛過
今天我愛你又如何
為何又在傷害我 又感動我
麻木天真的愛慕
回憶裡都是你一哭一笑
是最美麗都不會老
回憶裡都是你一哭一笑
是最美麗都不會老

（的廳）
*阿水：我咁真系對Candy，點解佢完全察覺唔到架呢？點解啲女硬系要對住啲飛仔先得歡天喜地架呢？嘩，你睇，噉樣莊法都唔嬲。哎吖，重得埋嘢添呀。而我哋呢一班所謂勤力讀書嘅四眼仔就全程白果。
四眼仔：有冇計呀？
阿水：唔通我呢一世都同佢哋一樣，要做一條溝唔到女嘅可憐蟲？我唔可以噉架，我要扭轉我嘅命運。於是乎就下咗一個一生都後悔嘅決定，我要做個飛仔。就係為咗得到Candy嘅歡心。

李老闆：阿基呀，佢吹雞喎。
阿基：你老尾吖，你估淨系你哋識吹雞呀？吹雞！

（黃一飛帶住班僆趕到）
李老闆：所以話黑社會最講義氣架。
阿基：嘩！你哋睇嚇，高佬偉真系畀面呀。全家大細全部嚟曬。
李老闆：唔該曬，唔該曬，陣間請你哋飲茶，唔該曬，唔該曬。（同堅叔講）堅叔呀，而家走最安全嗱。
*堅叔：哎，而家你哋又咁沓馬，使咩驚佢喎？我睇嚇熱鬧啲。（小芬女搖頭）哎，難得咁大場面吖嘛。

（點知黃一飛一個屈尾十，走去同姣婆四扼手）
*姣婆四：多謝，多謝，多謝沓馬。哈哈哈！高佬偉！估唔到你咁沓馬呀！嚇得我呀！（畀錢高佬偉）
*阿基：高佬偉！仆你個街呀！
李老闆：黑社會靠唔住架嘛。

阿水：唔該曬你呀，吳留手師傅。
吳留手：唔使客氣，警惡懲奸，為民除害，系我哋武林中人嘅責任。

*黃一飛（見形勢不利，帶班兄弟走路）：嘩！撇喇！
姣婆四：喂喂喂！
*阿基：吹雞吖嗱！唔好走呀！
姣婆四：仆你個街呀！真系黑社會信唔過嘅。唔聽，死開呀！

甜筒輝（唉聲嘆氣）：個個都一雙一對，真系羨慕死人嗱！
阿水（搭膊頭）：呢啲嘢唔恨得咁多架嘞。
阿媚：啊，對唔住，我嚟遲咗。
阿水：阿媚？
阿媚：阿水，我卒之搵到同我啱channel嘅人喇！
阿水：咩channel呀？唔系AM，唔系FM。
甜筒輝（舉高雙手）：系SM。（同阿媚走去一二角）
甜筒輝：你唔恨得咁多架喇。

李老闆：哈哈！見到佢哋一個二個咁開心，今年有運行咯。阿水，你有冇運行呀？
嗍女：新年快樂！（除咗副黑超）恭喜發財！
阿水（展開雙臂）：有運行喇！
嗍女：我要！（同李老闆擁抱）
李老闆：哎吖，大年大節，呢啲錢唔慳得嘅。（派利市）
嗍女：多謝！（惜李老闆）
李老闆：我有運行喇！（入茶餐廳）   舉報