經典台詞

************這篇影評可能有雷************

（街頭）
明鋒（飲啤酒）：咩事咁大不了呀？
星馳：波，唔系噉射嘅。
明鋒：講咩話？
星馳：我話，波----「笨」唔系噉射嘅。
明鋒：應該系點射架？
星馳：一句說話----腰馬合一。
明鋒：何為腰馬合一？
星馳：腰馬合一呢，喺我心目中浩氣長存嘅已故偉大武術家李小龍先生已經解釋過架喇。但系如果你再想知多啲嘅，唔啱跟我學兩堂功夫吖。
明鋒：學咩功夫吖？睇你個款，咪喺處掃地嘅？！
星馳：掃地只系我表面嘅工作，我真「正」身份系一位研究僧！
明鋒：研究生？！
星馳：從事如何有效地發揚少林武功嘅研究工作。呢張系我嘅卡片。
明鋒：少林正宗大力金剛腿？
星馳：系呀，好大力架。（踢腿）
明鋒：打打殺殺你搵過第二個啦。我受過高等教育嘅。

星馳：如果嗰個工人識得少林派嘅獨孤九劍嘅話，使咁哩唏咩？！
明鋒：獨孤九劍好似系華山派！
星馳：天下武功出少林呀，聽過未呀？！功夫其實絕對適合男女老幼嘅，打打殺殺只系大家對佢嘅誤解。功夫更加係一種藝術，一種不屈嘅精神。所以一直以來我都搵緊方法去將武功重新包裝起上嚟，令到你哋啲星斗市民，對於武功能夠有深一層嘅了解。
明鋒：夠喇夠喇。
星馳：我未講完。
明鋒：差唔多喇，差唔多喇，我重有幾個客要見。今日系噉先喇。
星馳：喂！你把握「雞」（機）會好，跛嘅都可以練功夫架！
明鋒：跛咩呀跛？！跛你老母呀？你個傻佬有咩資格話我跛呀？

（甜在心饅頭鋪）
（阿梅用太極功夫整饅頭）
星馳：（唱）哎——太極功夫整饅頭哩，驚天動地。饅頭睇落又香又甜，好鬼想食。但見阿妹雙臂好力，令到阿哥五體投地！
阿梅：你……你做咩呀你？！
星馳：除咗唱歌,我諗唔到其它方法去表達我內心嘅興奮同對你嘅仰慕。嘩！好靚呀！
阿梅（國語）：我不好看，你不要笑我。
星馳：你睇啲饅頭靚到呀！嗯——嘩！好食！（吞咗一個饅頭）喂，你正話招太極拳嘅移形換影……
阿梅（國語）：是以柔克剛，四兩撥千金。
星馳：好，唔怪得呢啲饅頭剛中有柔，硬中又有軟。（又吞咗一個饅頭）
阿梅（國語）：饅頭五毛錢一個，兩個一塊。
星馳：咁貴嘅咩？！
阿梅：系呀。
星馳：所以話真系一分錢一分貨。喂，我啱啱得五毫子喺身，過兩日畀埋你得唔得？
阿梅：唔得。
星馳：好！學武之人講句說話都灑脫啲架。查實我都系武林中人，畀嚇面好唔好？
阿梅：唔好。
*星馳：好！我呢雙名貴波鞋，原價兩文嘅，見系你，就個半銀錢，攞多你一個饅頭算啦。
阿梅：我報警喇。
星馳：好！（擺低饅頭）喂！法律不外乎人情啫。哎呀，弊喇，靚女，我越睇你越靚添。（唱）哎！

阿梅（國語）：你別唱了。（潑水）哎呀，你別再唱了。你把錢給我，趕快走吧。你要唱歌的話，到那邊山上去唱，神經病才在這裡唱歌呢。
食客：我唔同意呢位小姐嘅講法，喺呢度唱歌，唔一定都系神經病嘅。我叫做醬爆，我從來沒有放棄成為一個偉大嘅作曲家嘅理想。剛才聽到呢位阿生唱嘅歌，熱情奔放，創意無限。
星馳：多謝！
食客：唔好客氣。燃點起我醬爆心中嘅一團火。我醬爆感覺到，喺呢個momen要爆嘞。（唱）……
豬肉佬：我豬肉佬何嘗唔想成為一個偉大嘅舞蹈家？（起舞）

大師兄：醒嘞咩？
星馳：醒嘞。我終於領悟到，如果要將少林功夫發揚去全世界，系要講包裝！
大師兄：咩包裝呀？
星馳：唱……歌。今日我嘅遭遇講出嚟你都唔信嘅。我經過間饅頭店。
大師兄：唔好講嘞！
星馳：唔系哩，少林功夫加唱歌跳舞，你話有冇得諗？

大師兄：冇得諗！
星馳：你唔做過又點知啫？

*大師兄：唔好做！我勸過你腳踏實地架啦。呢度有份洗廁所嘅你咪做住先囉，唔好發夢喇。
星馳：做人如果冇夢想，同啲鹹魚有咩分別呀？！
大師兄：你鞋都冇一對，咪鹹魚一條囉？！學咩人講理想吖？
星馳：噉又唔系呀，我心中嗰一團火系唔——會熄架！
大師兄：吹咪熄囉？！唔熄？

（大師兄同五師弟唱歌）
大師兄：少林功夫醒！
五師弟：好好嘢！
大師兄：少林功夫勁！
五師弟：繫好「勁」！
大師兄：我系鐵頭功！
五師弟：無敵鐵頭功！
大師兄：你系金剛腿！
五師弟：我系金剛腿！（忍唔住笑）
大師兄：認真啲吖！
五師弟：少林功夫好嘢！
大師兄：真好嘢！
五師弟（又忍唔住笑）：少林功夫好嘢！
大師兄：真好嘢！
五師弟：少林功夫好「勁」！
大師兄：冇得頂呀！
五師弟：我系金剛腿！
大師兄：金剛腿！
五師弟：佢系鐵頭功！
*大師兄：嘩！嘩……嘩你個頭啊！
（然後兩人走出嚟跳舞，突然五師弟畀酒樽掟中個頭）
甲：你哋唱咩呀？唱到喊驚噉。
乙：啲歌詞又鬼五馬六！
丙：我呀，一句都聽唔明白！
乙：咪系囉，啲歌詞邊個作架？
丙：邊個作架？
乙：講啊！
（大師兄用手指住星馳）
五師弟：其實，創作嘅嘢呢，就好主觀嘅，不過你哋嘅批評呢，我一定會跟進嘅。況且唱歌只不過系前戲咋噃，高潮就系少林嘅大力金剛腿同埋鐵頭功。
乙：（用木棍打五師弟個頭）鐵頭功吖嗱！

五師弟：你識唔識聽中文嘅啫，都話嗰……
丙：（繼續打）鐵頭功吖嗱！
五師弟：咁盲塞嘅你個人！
丙：（重想打）鐵……（畀五師弟捉住佢隻手）咩啊？想還拖呀？
五師弟（望到老闆神情嚴肅）：多謝曬，多謝曬，歡樂嘅時光過得特別快，又系時候講拜拜喇。大家聽返首歌先！music！

星馳：我應承過師父唔打交架。
*乙：大佬呀，呢條友呢都OK戇居架。啊？
星馳：但系你哋一定要道歉！

明鋒：哦。（撩起褲腳）真系天生神力。（leoi1咗涿口水喺星馳小腿上）好一隻奪命香笄腿！
星馳：系少林派嘅大力金剛腿。

*明鋒：諗啫，噉你都要畀時間我諗得架嘛。
星馳：冇時間喇。太陽落西山嘞。有得諗咪做喇，時間系唔會等人架！
明鋒：喂，噉都要準備嚇啩。
星馳：我準備好曬架嘞，重爭啲咩呀？！

（門突然關上，撞到兩人嘅面上。門開，四師兄換咗身西裝）
四師兄：喂！點稱呼呀？
明鋒：叫我阿鋒得嘞！
四師兄：鋒哥呀嘛？喺財經界邊個唔識阿鋒哥吖？你睇佢一身嘅IT look。
星馳：阿鋒哥系足球教練嚟嘅。
四師兄：足球教練吖嘛。喺足球界邊個唔識阿鋒哥啫！我哋細細個睇阿鋒哥踢波啦！你系用對腳踢波架嘛？嗱，我冇講大話啦，有咩撈先？


星馳：不過前排我見你重倒緊屎架，「典」（點）解好哋哋又轉做洗碗呢？
二師兄：「典」（點）解？「典」（點）解唔系你哋問呀？系我問呀！「典」（點）解我老竇唔系李嘉誠呀？「典」（點）解我生得咁靚仔，但系要甩頭髮？你哋兩個咁肉酸，但系冇甩頭髮？「典」（點）解人哋細嗰時有書讀，而我細個時就畀個老坑迫住嚟練咩爛鬼武功！練到依家喺呢度，洗碗！倒屎！
星馳：阿二師兄你冷靜啲吖！其實命運始終掌握自己手嘅。

（夜總會，廁所）
老闆（攞起個啤酒樽撲大師兄個頭）：仆你個街！你坐喺度唔使做呀？聞唔聞到臭呀？轉頭返嚟重有臭味，同我舐乾淨佢呀！

（經過刻苦訓練之後同一個業餘球隊較量）
明鋒：比賽三十分鐘，中場冇休息，一切依足國際球例。我做球證，大家冇意見吖嘛？
領隊：傻啦，當年人稱黃金右腳嘅鋒哥，今日帶一班年輕人嚟同我哋打場友誼賽，你重做埋球證添，系我哋嘅榮幸。（扼手）大家叫聲鋒哥吖！
眾人：鋒哥！
明鋒：得喇得喇得喇，呢個後生仔呢之前同你啲隊員有啲衝撞，噉咪所以諗住打場波，噉就切磋嚇球技，以前嘅恩怨咪抹咗佢囉。佢哋好有誠意架。
領隊：從佢哋整齊嘅制服，友善嘅眼神，我完全感受到嗰份誠意同埋體育精神。
星馳：多謝。
（褲內跌出一支扳手）
領隊（執返）：大家唔好緊張，我本身呢，系一個汽車維修員。呢個士巴拿系攞嚟上螺絲用，繫好合理嘅。
明鋒：系嘅。系嘅。
（褲內又跌出一支槌）
領隊：正如我頭先所講啦，我身為一個汽車維修員，有個槌旁身，亦都繫好合邏輯架。
明鋒：得喇得喇，你哋球隊嘅作風喺業餘界都好出名，我完全明白。
領隊：哦，呢啲只系虛名嚟啫，就好似浮雲一樣。

大師兄：我繫好狗架，我貓尊嚴架。扐過嚟。（笠住個頭，眾人狂笑）
星馳：大師兄返嚟嘞！
明鋒：講咩話？
星馳：我感覺到，全部返曬嚟嘞！
（眾人搵返少林功夫嘅感覺）
星馳：歡迎各位師兄弟歸位！（叩頭）
師兄：多謝你。（叩頭）

星馳（國語）：沒事。你是最漂亮的，你知道嗎？
（阿梅岌頭）
星馳（國語）：你知道嗎？
阿梅（國語）：知道，知道了。
星馳（國語）：我真地很感謝你呀。（擁抱阿梅）你知道嗎？
（開始洗地）（國語）要有自信啊。你是最好的，你知道嗎？

（外圍賽賽場１）
星馳：我好鍾意呢件衫呀。
四師兄：我好鍾意對襪呀。
星馳：不如我哋調換著好嗎？
四師兄：好呀。好呀。
明鋒：唔好玩啦，衰仔，未見過大場面？放鬆啲，平時練波一樣得喇。嗱，陣間會有好多觀眾同記者架，同啲記者笑嚇，畀啲攝影機影嚇我哋，同啲群眾熱情打嚇招呼。多謝人哋支持我哋。多謝你哋！
星馳：多謝曬！
隊員：多謝你哋！……
星馳：多謝！多謝大家嘅支持！多謝！
大師兄：掃地嘅咋噃！
星馳：（摑咗大師兄一巴）掃地唔系觀眾呀？！多謝曬你哋！
工人：唔——好——嘈——啦！
*二師兄：喂！個場咁細，重空「寥寥」，你又話……
明鋒：外圍賽系噉架嘞！嗱，所以我哋要畀心機，打入決賽！
眾人：好！！打入決賽！打入決賽！……
工人：唔——好——嘈——啦！
眾人：（細聲）打入決賽！打入決賽！……
（掃把從天而降）
谷德昭：少林足球隊？睇嚇呢個，睇呢個，哈哈。睇嗰個，睇嗰個，哈哈哈！！
（球證吹雞，向大師兄出示黃牌）
大師兄：咩事呀？唔食得煙呀？（捺熄煙）
谷德昭：哈哈哈哈哈哈！
（星馳一腳射球，球入）
星馳：呀呀呀呀呀呀！
谷德昭：做咩呀？（自言自語）冇理由嘅，幻覺嚟架啫。
（星馳拔腳怒射，球又入）
谷德昭：做咩啫你？
*谷德昭：唔使驚，幻覺嚟架啫，睇嚟我哋山西豆腐隊要出真功夫嘞。
（星馳衝上嚟，二人對視。）
谷德昭：又做咩啫你？
（又入一球……）
谷德昭：唔好噉啦你哋，我想踢波呀！
（強雄打緊高球）
保鏢：雄哥，電話。
谷德昭：幻覺嚟架啫，嚇我唔倒嘅。
（連人帶球畀射入球門）
強雄：咩話？！四十比零？！
（少林隊一路過關斬將）
*星馳（接受訪問）：冇錯，我哋學嘅系少林武功。所以話武功的確係dang，系冇得頂！
三師兄：我哋好低調嘅。
星馳（搶咪）：重有，我要多謝我嘅父母同埋師父！雖然佢哋已經過咗身，但系我重要多謝我好朋友阿梅！阿梅，系我呀，阿梅！你見點呀？食咗飯未呀，阿梅？
（美容店門口）
李健仁：靚女，你嚟搵我呀？
阿梅：我想……
李健仁：唔好講啦，放心交畀我啦。
，又贏了所有外圍賽）
（記者爭相採訪少林隊）
記者（國語）：可不可以現場給我們觀眾表演一下啊？
星馳（國語）：可以，可以。肥仔聰！一、二、三！（肥仔聰飈咗上天）
記者（國語）：有沒有再有一個？可不可以再表演一個呀？
星馳（國語）：可以，可以。
（各師兄弟換新波鞋）
服務員：慢慢！慢慢！唔好咁急！慢慢揀！（仆親）
星馳：各位師兄弟，從今日開始，我哋要同呢拃舊鞋講拜拜呀！
（眾人將鞋向上掟，鞋掉低磧落眾人頭上）
*服務員：哎，你們不要亂扔東西好不好？
眾人（國語）：對不起，對不起……
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
星馳：是啊，現在的阿梅已經是一個很自信的女孩子！
阿梅（國語）：跟你說一件事情。
星馳（國語）：什麼？
阿梅（國語）：我喜歡你。
星馳（國語）：我也喜歡你呀！
阿梅（國語）：那我們之間是愛情嗎？
星馳（國語）：你……你是開玩笑吧？
阿梅（國語）：我是認真問你的。真的。
星馳（國語）：那當然不是愛情。我們－－永遠都是好朋友！那不是更好嗎？
阿梅（國語）：沒什麼。那，那你以後也常常來找我啊！鞋子破了，我還可以幫你補。
星馳（國語）：不會的，鞋子破了，我就把它扔掉。我們都要向前看嘛。我永遠都不要再穿破鞋子！

星馳：阿梅！
老闆娘：死咗喇！
星馳：佢點死架？
老闆娘：畀我打死架！
星馳：我唔信，阿梅武功咁好，憑你打死佢？！佢一定系死得好冤枉架！
老闆娘：噉你想點呀？
星馳：我要同佢——報仇！（一拳打穿門板）


星馳（國語）：你怎麼幫呀？你快點回去火星吧！地球是很危險的！
阿梅（國語）：我真的能幫你，你相信我，讓我試一試好不好？
星馳（國語）：不行！
阿梅（國語）：真的！你看，你看，你的鞋都破了，穿這個吧。
（原來系星馳嗰雙舊鞋，多咗好多更新檔）
（阿梅登場，耷低頭走去球門，唔小心撞親喺門柱上。）
強雄：哈哈哈哈！
（阿梅捽捽嚇頭走到門前，同對方守門員企埋一齊，少林隊全都羞愧地耷低頭。）