【電影】17009[2.17]《黑夜傳說5：血戰》

我知道，呢部可能係黑夜傳說嘅最後一集，但唔代表最後一集就應該要全程快進啊！？！？連字幕都嚟唔切睇就切，畫面都未睇清又切，對白都未講完又切……

話說「黑夜傳說」應該屬於典型嘅炒冷飯專用系列吧，完整嘅故事其實係前兩集就已經講完了，再加上第三集嘅前傳，已經將狼人同吸血鬼大戰嘅全部核心角色都交代得清清楚楚，要死嘅亦死全了，所以再出續集都屬於畫蛇添足。而本片當然唔例外，冇對原本嘅世界架構進行任何擴展，只係硬生生為原本三長老中描述最少嘅Amelia加咗個私生子，還格硬話工匠之女出身嘅Selene係不死族後裔，無啦啦自帶死蘇同族同無懼陽光嘅神力，還習得瞬移技能，技能點加爆，所以話乜都係導演講曬。

雖然對比其他大片，本片製作略顯粗陋，但個人認為拍得還算可以。畫面同攝影係整體上更加貼近前兩集，色調非常冷艷而鋒利，令人印象深刻；登場角色亦很有看頭，凱岩城公爵同奔流城公爵先後登場，充滿盧西恩再臨，決戰古堡嘅味道；而且本片最鮮明嘅特點係動作戲大量回歸，總之一句講曬還原度很高。

距離第一集上映已經14年了，不經意間見證咗凱特•貝金賽爾從淑女步入中年。故事其實已經講得很完整，但吸血鬼同狼人嘅戰爭一定還會延續，如同片中Selene話自己既可以立即死去，亦可以再活個一千年，凱特既可以就此為系列畫上句號，亦可以繼續演落去。作為忠實fans，無論點樣都一定會繼續支持。

唔抱太高期望下，表現驚喜，系列中精彩程度僅次於前兩集，推薦俾系列fans，不收藏。   舉報