嗌交只服廣東話

廢話不多說，好好聽著吧。

片段一
烈火奶奶：快啲叫你事頭婆出嚟，唔系我就數臭佢十八代祖宗。
老闆娘：烈火奶奶，咩事咁勞氣呀？
烈火奶奶：你啲女搶曬我啲客呀，噉點計呀？
老闆娘：人客水流柴，個個花心，有乜邊個搶邊個啫。
烈火奶奶：唔得，我要你賠錢，兼斟茶認錯，唔系我就燒你本數簿。
老闆娘：噉你即系搵交嗌啫？
...
老闆娘：生仔冇屎窟，老竇賣屎窟，自己爛屎窟，鍾意食雞屎窟。大屎窟，你冇生意走嚟鬧我？
烈火奶奶：我數臭你。
老闆娘：唔使你數，我自揭身世。我三歲死老竇，四歲死老竇，五六七八歲死老竇，十歲勾佬，十一歲勾佬，勾到全屋都系，望下你後面個佬。
烈火奶奶：啊！你個死老鬼。
老闆娘：你夠膽勾個佬出嚟我就夠膽勾。
烈火奶奶：我揸死你。
老闆娘：你敢揸，我就敢享受。
烈火奶奶：我……
老闆娘：我……你個死人頭呀，呢個咩字？系咪個「醒」呀？
烈火奶奶：系……系醒字。
老闆娘：丑呀，丑字都唔識。你七歲勾佬八歲勾佬，勾到四十幾歲，你醜唔丑呀你？你肚子大過波，嗌交冇人幫，你做人幾十年，有咩成就？
烈火奶奶：我訓練四朵金花，名震京師，系雞中之霸。
老闆娘：啱！不過佢哋已經跳槽嚟我度嘞喎，乜佢哋冇話畀你聽咩？你人又老，錢又冇，啲雞又走路，唔死都冇用。你做人唔精，做鬼唔靈，投胎唔知定，下世做緊菠蘿釘。
四朵金花：點解呀？
老闆娘：吃完畀人擗囉！同我嗌交吖嗱？扯。

片段二
包龍星：做咩呀？
如煙：你唔好問我喇，你感覺唔到咩？瞇埋眼先嗱。
包龍星：又瞇埋眼？上次仲畀你打唔夠咩？
如煙：我唔會打你架，我淨系想搵一個人傾嚇偈咋。
包龍星：冇乜好傾架咋喎。
如煙：我空虛，我寂寞，我凍呀。
包龍星：唔系咁大鑊嚇嘩？
如煙：日日對住班臭男人，都冇一個講到心事嘅。
包龍星：我都系臭男人嚟啫。
如煙：你冇咁臭。
包龍星：噉系。
如煙：攬住我呀。
包龍星：使唔使呀？
如煙：我唔會呃你架，我淨系要一個唔繫好討厭嘅男人，畀啲溫暖我啫。
包龍星：真系唔掂喎。
如煙：咪當做善事囉。
包龍星：唯有系噉喇。嗱，畀一封利市添呀講明呀。
老闆娘：仆街吖，想勾我啲女？
包龍星：系咪想搵交嗌？
老闆娘：我唔同你嗌交，你食我嘅，住我嘅，屙我嘅，瞓我嘅，仲勾我啲女，你系咪人嚟架？
包龍星：系佢話做雞做到悶，做到冇癮，我而家安慰佢啫。你都系雞，仲系只老雞添，有冇曾幾何時覺得空虛，覺得寂寞，覺得凍呀？
老闆娘：有。關你咩事呀？
包龍星：唔關我事？我做雞竇，都想雞乸好，佢一冇心機就怠慢啲客，啲客就會嬲，一嬲就唔嚟，唔嚟就執笠，執笠我就瞓街，你夠膽話唔關我事？
老闆娘：你駁我嘴呀？因住收尾嗰兩年。
包龍星：收尾兩年同你執骨。
老闆娘：因住生仔冇屎窟。
包龍星：冇屎窟架仔你生嘅。
老闆娘：我睇你惡得幾耐？
包龍星：惡到你斷氣為止。
老闆娘：我……
包龍星：你冇妝靚過化妝，做鬼好過做人。
老闆娘：你……
包龍星：我做人急到你抽筋，做鬼嚇到你失魂。

片段三
包龍星：未叫你，你就企出嚟。一系做賊心虛，一系身有屎，你講，你系咪？
方唐鏡：我同啲街坊入嚟睇熱鬧架啫，不過企出嘞少少，最多咪企返埋去。
包龍星：冇講咁多嘢，企返埋……黃線以內，黃線以內，企……
方唐鏡：到咗，吹呀嚇？咬我食咩？死嘞，企返出嚟。唉，又企返入去。咬我食咩？彈出彈入喎，打我呀笨？！
包龍星，有為：好呀。
包龍星：二口六面聽住架喇，佢叫打我先打架咋真系。
有為：有啲噉嘅嗜好，咁大個仔都未聽過。

片段四
包龍星：咪住。你話夾話夾呀，我話唔准夾。
李公公：咩話？哼！好大架官威吖，包大人。若果畀你做多兩年官，恐怕連老佛爺你都唔放在眼內架喇。
包龍星：當然唔會放喺眼內喇，老佛爺系擺個心裡便嚟尊重嘅，好似你噉，成日掛喺個嘴邊嚟講，講到低曬吖！你咩居心呀你？
李公公：你……
包龍星：你老母湊大你咁辛苦，你走去做太監，是為不孝；唔尊重老佛爺，是為不忠；你個不忠不孝嘅死人妖，坐喺度奀奀腳做咩呀？
李公公：你好大架膽啊，你連我都敢鬧？
包龍星：我堂堂八府巡案，呢度公堂最大我。喂，你區區一個內務總管五品官，重要嚟旁聽嘅，我企喺度，你夠膽坐？我唔鬧你，鬧邊個呀？
李公公：好，等我奏明皇上，將你抄……
包龍星：抄你老竇，行得出呢個公堂再算喇你，人嚟，落閘，放狗。
眾狗官：包大人……
包龍星：唔使幫拖，呢度有我搞定。
李公公：我唔同你口舌之爭，快啲審案。
包龍星：好呀。屎窟鬼。
李公公：你鬧邊個？
包龍星：邊個應咪鬧邊個囉。
李公公：啊！你呢個小王八蛋，我唔理你。
包龍星：陰陽賊。
李公公：我頂你個肺！我塞你個胃！我抦到你花開又富貴！
包龍星：陰陽屎窟鬼。
......
包龍星：你吖，檸檬頭，蝠鼠眼，秤鉤鼻，八字眉，葵扇耳，哬哚嘴，老薑牙，燈芯頸，鴛鴦膊，長短手，高矮腳，雞胸，狗肚，飯桶腰。我系你，我死咗佢啦。
李公公：你……
包龍星：你一到晚除褲瞓，週身籮柚印，抵你插住碌棍囉。
李公公：我頂你個……
尚書：李公公，你冇嘢吖嘛？坐低先，坐低先，嚟……
李公公：我抦你花開富貴。   舉報