【電影】17019[3.25]《金剛：骷髏島》

首先劇透一下，本片嘅金剛故事同歷代嘅都唔一樣，唔再係熱帶叢林中美女與野獸嘅愛情，亦冇大猩猩紐約搞破壞，更加冇帝國大廈大戰雙翼飛機，而係將金剛呢只大猩猩投入到另一個差異巨大嘅時空去演繹一個全新嘅故事。

本片講一班係越戰中殺紅眼嘅米國大兵面對突如其來嘅停戰，正百無聊賴擔心失業之際，奉命護送一支考察隊去研究一個神秘小島，結果被島上無處不在嘅海王類生物滅團，最後同金剛好唔容易化敵為友，逃出生天嘅故事。全片節奏基本上一直順流而下，金剛從登場果刻一直威到結尾，雖然有過挫折，但都係旋即進入反擊嘅狀態，全部都係模式化套路，毫無懸念，基本唔使動腦。

作為科幻片，電影特效做的不錯，尤其是巨大無比嘅海王類生物經常突然出現，搞死幾個角色，嚇人一跳，娛樂感同畫面感都不錯。但美中不足嘅係感覺金剛嘅比例時大時小，容易齣戲；雖然片頭3D效果不錯，幾乎每個鏡頭都感受到明顯層次感，但後邊虎頭蛇尾，越嚟越無感。

角色上，除咗第一次係螢幕上見到抖森，還有第一次見到嘅景甜。對我甜嘛，除開佢經歷過直升機墜毀、叢林穿越、蜥蜴大作戰之後一直平整貼服嘅襯衫同乾淨精緻嘅臉蛋；除咗當全體團友都一臉嚴肅嘅時候唯有佢面色含春，含情脈脈；除咗佢加起身總共不到十句嘅台詞；還有佢一直冇交代過嘅身份之外，其實感覺還好啦。或者呢個正係從另一個角度證明，景甜實在很沒存在感啊呵呵。

最後吐槽下金剛本尊。如果話哥斯拉仲係水陸兩棲，可以到處去，而且無需進食，單靠吸收輻射就可以生存，那麼被困於小小孤島嘅金剛係如何活下來就很是奇怪了。基於能量守恆，金剛到底吃什麼長大係個謎，更何況島上還有一大群同樣巨大，同樣要每日消耗大量能量嘅海王類，如何實現生態平衡？呢個係個終極嘅自然學難題。

係電影中，導演非常有意咁留低咗大量關於哥斯拉嘅線索，仲一再煞有介事咁為哥斯拉嘅專屬機構「帝王計劃」買廣告，睇嚟係為重現55年前經典嘅「金剛大戰哥斯拉」做準備。睇住片尾動畫，除咗什麼哥斯拉、大蟑螂、金剛，想必還會有更多奇珍異獸將被「帝王計劃」發掘出嚟，我哋就拭目以待吧！

模式化科幻片，精彩爆米花，不得不失，保守推薦，不收藏。   舉報